Zer da?

2022ko urtarrilean ekin zion iraunkortasuna ardatz duen proiektu honi.

Landuko diren edukiak kontuan hartuta, ikastetxeko zuzendaritzak Irakaskuntzako eta Gizarte eta Kirol Animazioko Goi Mailako Zikloari esleitu dio proiektu hau, ikasle horien profilak ezarritako helburuak lortu ahal izatea bermatuko baitu. Alde horretatik, nabarmentzekoa da iraunkortasunaren gaiari artearen, jardueraren eta sormenaren ikuspegitik helduko zaiola. Alderdi horiei esker, ikasleek modu kritikoan eta kontzientean areagotu ahal izango dituzte beren trebetasunak. Nolanahi ere, onartzen dugu Artea ez dela bereziki gure ikastetxean dugun indargune bat, baina erronka bat izango da hori aurrera ateratzea; oso lagungarria izango da ikasleek inguruko beharretara egokitzeko duten sormen-gaitasuna.

KA220 baten berezitasuna da proiektuan ez dutela ikastetxeek bakarrik parte hartzen, irabazi asmorik gabeko enpresek edo erakundeek ere parte hartzen dutela. Kasu honetan, proiektuaren buru “People of 2050” da, irabazi asmorik gabeko Copenhageko erakundea, mundu inklusiboago bat eta karbono-emisioak murriztuko dituen gizarte bat bilatzen dituena.

Parte hartzen duten bazkideen izenak:

People of 2050 – Danimarka.

Fattid 'ArteAssociazioneCulturale APS – Italia.

WorldClimateSchool – Norvegia

YeniceÇokProgramliAnadoluLisesi – Turkia.

Irunberriko LH IIP – Espainia

Proiektuak 18 hilabeteko iraupena du, eta hainbat mugikortasun programatu dira, batzuk irakasle eta ikasleentzat eta beste batzuk irakasleentzat bakarrik.

Danimarka: 2022ko maiatzean, 3 irakasle eta 5 ikasle joango dira.

Italia: 2022ko irailean, 3 irakaslek bidaiatuko dute.

Espainia (Irunberri): parte hartzen duten herrialdeetako taldeak hartuko ditugu proiektuan. Guztira, 30 bat atzerritar izango dira, eta horientzako jarduerak antolatuko ditugu.

Norvegia: 2023ko otsailean, 3 irakasle joango dira.

Turkia: Proiektuaren itxiera eta zabalkundea, 2023ko martxoan. Irakasleak eta ikasleak joango dira (3 eta 5, hurrenez hurren).