• Bizikidetzako araudia Irunberriko LH IIPren egitura eta funtzionamendua arautzen duen arau multzo bat da, irakaskuntza eta ikaskuntza prozesua errazteko eta ikastetxean bizikidetza ona bermatzeko..

• Bizikidetza araudia osagarria da; izan ere, maila handiagoko beste lege-arau batzuek arautzen dituzten alderdiak garatzeaz gain, arautu ez diren eta zentroarentzat interesgarriak diren alderdiak jasotzen ditu.

• Bizikidetza araudia arau-izaerako dokumentua bada ere, zerbait gehiago da, gure zentroaren bizitzan nagusi diren printzipio eta balioen adierazpen praktiko eta aplikatua baita, bere izaera eta estiloarena. Hezkuntza proiektuaren beraren beste zati bat bezala hartu behar da.

• Araudi honek ikasleen, irakasleen, administrazio eta zerbitzuetako langileen eta ikasleen gurasoen bizikidetza arautzen du, eta hezkuntza-komunitateko kide guztiek nahitaez bete beharko dute.

47/2010 FORU DEKRETUA, abuztuaren 23koa, ikasleen eskubideei eta betebeharrei eta ikastetxeetako bizikidetzari buruzkoa.

Gaur egungo adingabe eta gazteek, «natibo digital» direlakoek, Internet etengabe erabiltzen dute eta horrek dakartzan abantaila ugariez baliatzen dira. Eskura duten informazioa, lagunekin komunikatzeko aukera, bideoak, jokoak… Haurtzarotik irakatsi behar da segurtasunaren, pribatutasunaren, pertsonen eskubideen babesaren eta abarren arloan heztea; izan ere, adingabeak oso txikitatik sartzen dira mundu digitalean, sare sozialetan, telefono mugikorretan, smartphone aplikazioetan eta abarretan.

Gida honetan ikusiko dira bai hezkuntza- eta prebentzio-alderdiak, bai jazarlearekin zein jazarpena jasotzen duenarekin horrelako egoeretan nola jokatu behar den.

Gida hau adituen talde baten elkarlanaren emaitza da. Aditu horiek, hainbat esparru eta esperientzietatik, gurasoen eta irakasleen eskura jarri dute beren ezagutza, beren seme-alabak Interneteko segurtasunaren arloan hezi eta kontzientziatzeko.