IkasNOVA gelek Nafarroako hezkuntza eta eskola ulertzeko moduaren aldaketaren eta eraldaketaren katalizatzaile izan nahi dute.

IkasNOVA ikasgelak ikasteko modu desberdinak eta askotarikoak esperimentatu ahal izateko leku aktiboak dira. Ikasgeletan elkarrizketaren bidez ikasten da, elkarlanean arituz eta berdintasunezko testuinguru batean partekatuz. Bertan aurkituko dugun espazioaren eta teknologiaren diseinuak gogoeta egitera gonbidatuko gaitu, bai bakarka, bai taldean, ikasitakoa eta bizitakoa ikertzera, elkarreraginera, sortzera, partekatzera eta komunikatzera, funtsezko gaitasunen garapena indartuz eta gaitasun digitalari arreta berezia eskainiz.