4.0 Eskola kodea - Ikasnova
4.0 Eskola kodea
4.0 Eskola Kodea
Ekimen honen helburua irakasle eta ikasleen artean pentsamendu konputazionalarekin lotutako gaitasunak garatzea da, programazioa eta robotikan hain zuzen ere. Horretarako, hainbat jarduera egingo dira, besteak beste, gailu eta baliabide didaktikoak hornitzea eta eta irakasleak prestatzea, ikasgelan errazago erabiltzeko.
Hezkuntza Departamentuak Nafarroako 4.0 Eskola Kodea programa aurkezten du.
Programa hau Haur Hezkuntzako bigarren zikloko, Lehen Hezkuntzako eta Derrigorrezko Bigarren Hezkuntzako irakaskuntzak ematen dituzten eta funts publikoekin sostengatuta dauden ikastetxe guztiei zuzenduta dago.
4.0 Eskola Kodearen helburuak
Ikasleen gaitasun digitalak indartzea, bereziki pentsamendu konputazionalari, programazioari eta robotikari buruzkoak.
Konpetentzia digitalak ezartzea ikasgelan, irakasleak prestatuz eta hezkuntza-baliabide digitalak landuz.
Ikasleen gaitasun digitalak garatzeko beharrezko ekipamendua ematea ikastetxeei, bereziki pentsamendu konputazionalari, programazioari eta robotikari dagozkienak.
Pentsamendu konputazionala curriculumean
Haur Hezkuntza (ekainaren 1eko 61/2022 FD) Pentsamendu konputazionalarekin lotutako kontzeptuen erreferentziak 2. eremuan daude: Ekintzak edo zereginak ebazteko jarraibideak programatzeaz hitz egiten den ingurunea aurkitzea eta aztertzea. Planifikatzeko, antolatzeko eta irtenbideak proposatzeko estrategien lana ere aipatzen da.
Lehen Hezkuntza (ekainaren 27ko 67/2022 FD) Matematika arloan D atalean (Zentzu aljebraikoa/Pentsamendu konputazionala) eta Ingurune naturala, soziala eta kulturala ezagutzea atalean (Teknologia eta digitalizazioa/Diseinu eta pentsamendu konputazionaleko proiektuak) agertzen da.
Bigarren Hezkuntza (ekainaren 29ko 71/2022 FD) Pixkanaka eta zeharka Biologia eta Geologia, Teknologia eta digitalizazioa C atalean (Pentsamendu konputazionala, programazioa eta robotika), Teknologia C atalean (Pentsamendu konputazionala, automatizazioa eta robotika), Digitalizazioa B atalean (Ikaskuntzako ingurune pertsonalaren digitalizazioa) eta D atalean (Herritartasun digital kritikoa). Matematikako ikastaro guztietan ere aurki daiteke.
.
